Kulankan ayaa looga hadlay dhiirrigelinta koboca dhaqaalaha iyo adeegyada maaliyadeed ee dalka – Shuraako Capital, ayaana ah Shirkad gaar ah oo bixisa maalgelin waafaqsan shareecada Islaamka iyo horumarinta ganacsiyada yaryar iyo kuwa dhexe (SMEs).
Waxa sidoo kale laga wada hadlay sidii si Guud looga wada shaqayn lahaa sidii bulshadu u heli lahayd adeeg maaliyadeed oo loo dhanyahy iyo sidii Bangiga Dowladda uu ugu lug yeelan karo kobcinta Nidaamka Maaliyadda iyo doorkisa kaga aadan sidi ay u heli lahayen Hay’adaha Maaliyaddu nidaam sharci iyo maamul oo dhiirrigeliya maalgashiga.
Kulanka waxaa goob joog ahaa Gudoomiyaha Bangiga Puntland Cabdirasaaq Warsame Seeraar, Agasimaha Guud ee Bangiga Dowladda Puntland Khadar Ugaas Cabdi, Jon Bellish Maareyaha Guud ee Shuraako,Mahad Maxamed Axmed Madaxwayne Ku-xigeenka Geeska Afrika ee Shirkadda iyo Agaasime kuxigenka Bangiga Yusuf Maxamed Faarax .
